Gse banner mynd

Viltu ganga í klúbbinn?

10 jan. 2018

Félagsfundur - boðun

Hér með er boðað til félagsfundar í golfskálanum Setbergi, miðvikudaginn 17. janúar 2018. 

Fundurinn hefst klukkan 20:00. 

Á fundinum verður farið yfir drög að samstarfssamningi við Golfklúbbinn Keili. 

Stjórnin

0 Comments

10 jan. 2018

Tilkynning frá stjórn

Ágætu félagar
 
Þetta nýja netfang felagaskra@gse.is verður notað vegna innheimtu á félagsgjöldum og til þess að halda utan um félagaskránna. Netfangið gse@gse.is verður áfram notað vegna annarra mála. 
  
Við höfum ennfremur tekið í notkun nýtt reikningsnúmer vegna árgjalda. 
 
Aðalfundur Golfklúbbsins Setbergs:
 
Aðalfundur GSE var haldinn þann 7. desember s.l.
 
Á heimasíðu klúbbsins www.gse.is má sjá skýrslu stjórnar fyrir 2017 ásamt fundargerð aðalfundar.
 
Á aðalfundinum var ákveðið að breyta ekki árgjöldum og eru árgjöld 2018 því svohljóðandi:
 
•       18 ára og yngri: kr. 22.000. 
 
•       19 - 25 ára: kr. 44.000.
 
•       Aðrir: kr. 66.000. 
 
Eftirfarandi greiðslumöguleikar eru í boði:
 
1) Staðgreiðsla. Greiða skal inn á reikning klúbbsins í Landsbankanum nr. 0133-26-013522, kt. 630295-2549. Senda skal staðfestingu um greiðslu á netfangið felagaskra@gse.is. Ef greitt er fyrir fleiri en einn félaga þá skal þess getið í staðfestingunni.
 
2) Greiðsluseðlar. Greiðslunni skipt í þrennt og birtist í heimabanka félaga. Gjalddagar eru 1. febrúar, 1. mars og 1. apríl. Enginn aukakostnaður bætist við ef greiðsluseðlar birtast í heimabanka. Ef félagar óska eftir því að fá heimsenda greiðsluseðla þá skulu þeir láta vita fyrir 14. janúar n.k. Innheimtukostnaður bætist við hvern heimsendan seðil.
 
3) Kreditkort. Ef greitt er með kreditkorti þá er hægt að skipta greiðslunni í 6 jafnar greiðslur frá 1. febrúar til 1. júlí. Þeir sem greiddu með korti í fyrra þurfa ekki að hafa samband, nema þeir vilji nota annað kort en það sem notað var í fyrra. Aðrir sem vilja greiða með kreditkorti hafi samband með því að senda tölvupóst á netfangið felagaskra@gse.is eða í síma 896 0085 fyrir 14. janúar n.k. Ef greitt var með korti í fyrra en ekki er hægt að endurnýja samninginn hjá færsluhirði þá verða gefnir út greiðsluseðlar fyrir árgjaldinu. 
 
Þeir sem ætla ekki að vera áfram í klúbbnum eru vinsamlegast beðnir um að senda tölvupóst á netfangið felagaskra@gse.is eða hringja í símanúmerið 896 0085.
 
Á aðalfundinum var rætt að auka samstarfið við Golfklúbbinn Keili vegna umhirðu vallarins og innheimtu

0 Comments

28 nóv. 2017

Aðalfundur Golfklúbbsins Setbergs

Aðalfundur Golfklúbbsins Setbergs verður haldinn fimmtudaginn 7. desember n.k. 

Fundurinn verður að Flatahrauni 3, Hafnarfirði (salur félags eldri borgara í Hafnarfirði).

Fundurinn hefst stundvíslega klukkan 18:00. 

Dagskrá:

Í upphafi aðalfundar skal kjósa fundarstjóra og fundarritara eftir tilnefningu. 

1. Skýrsla formanns. 
2. Kynning á skoðuðum ársreikningi félagsins. 
3. Umræður um skýrslu formanns og ársreikning sem síðan skal borinn upp til samþykktar. 
4. Ákveðið árgjald og önnur gjöld fyrir næsta starfsár. 
5. Stjórnarkosning. 
    5.1. Kosning þriggja stjórnarmanna til tveggja ára. 
    5.2. Kosning formanns. 
6. Kosning tveggja skoðunarmanna. 
7. Önnur málefni ef einhver eru. 

Virðingarfyllst, stjórn Golfklúbbsins Setbergs. 

0 Comments

25 sep. 2017

Bændaglíman 2017 - Skráning er hafin!

Bændaglíma GSE verður sem hér segir:

Laugardaginn 30. september

Skráning er hafin!

Ræst út af öllum teigum klukkan 13:00. Mæting eigi síðar en klukkan 12:30. 

Hefðbundið keppnisfyrirkomulag, þ.e. 4 saman í liði, allir slá af teig, einn bolti valinn og þeir sem eiga ekki þann bolta slá frá þeim stað sem boltinn er. 

Leiknar eru 9 holur á stóra vellinum og 9 holur á litla vellinum skv. venju. Dregið saman í lið. 

Þátttökugjald kr. 1.000. Skráning á www.golf.is. 

0 Comments

18 ágú. 2017

Fráteknir rástímar í dag

Vegna hóps/fyrirtækis eru fráteknir rástímar frá 16:00 til 16:50 í dag. Um 9 holu mót er að ræða. 

0 Comments
123