Aðalfundur Golfklúbbsins Setberg fyrir 2025

Kæru félagar

Aðalfundur Golfklúbbsins Setbergs fyrir starfsárið 2025 verður haldinn þriðjudaginn 9. desember 2025.

Fundurinn verður haldinn að Flatahrauni 3, Hafnarfirði (salur félags eldri borgara í Hafnarfirði).

Fundurinn hefst stundvíslega klukkan 20:00.

Dagskrá:

Í upphafi aðalfundar skal kjósa fundarstjóra og fundarritara eftir tilnefningu.

1. Skýrsla formanns.
2. Kynning á skoðuðum ársreikningi félagsins.
3. Umræður um skýrslu formanns og ársreikning sem síðan skal borinn upp til samþykktar.
4. Lagabreytingar.
5. Ákveðið árgjald og önnur gjöld fyrir næsta starfsár.
6. Stjórnarkosning.
   1. Kosning þriggja stjórnarmanna til tveggja ára.
   2. Kosning formanns.
7. Kosning tveggja skoðunarmanna.
8. Önnur málefni ef einhver eru.

Undir liðnum önnur mál verður lögð fram tillaga um að skoða kaup á fasteign fyrir inniæfingaaðstöðu.

Þeir félagar sem vilja bjóða sig fram til stjórnarsetu þurfa að tilkynna um framboð sitt með því að senda tölvupóst á netfang klúbbsins gse@gse.is fyrir kl. 20:00 þann 29. nóvember 2025.

Virðingarfyllst, stjórn Golfklúbbsins Setbergs.

Í dag kveðjum við einn af félögum klúbbsins, Gunnlaug Óskarsson.

Gulli var einn af stofnfélögum klúbbsins og var m.a. formaður mótanefndar um hríð. Gulli var hrókur alls fagnaðar og höfðingi heim að sækja. Þetta fengu svo margir félagar að njóta góðs af. Hann og Lovísa, eftirlifandi eiginkona Gulla, enduðu yfirleitt með flesta þátttakendur í skemmtimótum á vegum klúbbsins heima hjá sér í miklum gleðskap, gjarnan fram á rauða nótt. Þar var boðið upp á dýrindis guðaveigar að hætti hússins. Með þessu áttu þau svo sannarlega stóran þátt í því að skapa þann góða anda sem hefur ávallt ríkt í klúbbnum.

Við færum Lovísu, ættingjum og vinum Gulla okkar innilegustu samúðarkveðjur.

Minningin um góðan félaga og vin mun lifa áfram.

Ágætu félagar.
Við höfum tekið þá ákvörðun að loka inn á sumarflatir. Spáð er frosti næstu dagana og aðstæður þannig að ekki er forsvaranlegt að leika inn á sumarflatir, með tilheyrandi hættu á að skaða flatirnar. Settir verða upp vetrarteigar og flöggin færð á vetrarflatirnar. Takk fyrir sumarið.

Þar sem mikill fjöldi skráði sig til leiks í ár þurfum við að ræsa út í þremur ráshópum frá miðvikudegi til föstudags. Eins þurfum við að skera niður fjölda kylfinga sem leika á lokadeginum, þ.e. laugardeginum 12. júlí, þannig að 16 efstu kylfingarnir í hverjum flokki leika á þeim degi. Þetta hefur fyrst og fremst áhrif á annan, þriðja og fjórða flokk karla. Þátttakendur í þessum flokkum greiða því þátttökugjald líkt og aðrir sem taka þátt í þriggja daga móti.

Þar sem svo margir eru skráðir til leiks verðum við jafnframt að hjálpast að og gæta að leikhraðanum. Dómurum verður uppálagt að fylgjast með þeim sem virða ekki reglur um leikhraða. Hámarkstími til þess að leika 9 holur er tvær klukkustundir og 10 mínútur. Í einhverjum af þeim flokkum sem leika höggleik ætlum við að bæta við þeirri reglu að ekki verði skrifað hærra skor á holu en tvöfalt par. Ber kylfingum í þeim flokkum því að taka leikbolta sinn upp á holu þegar útséð er með að höggafjöldi viðkomandi á þeirri holu nái tvöföldu pari.

Hér fyrir neðan má sjá áætlun fyrir útræsingu í mótinu.

Sunnudagur 6. júlí til þriðjudags 8. júlí

Miðvikudagur 9. júlí til föstudags 11. júlí:

Laugardagur 12. júlí:

Meistaramót Golfklúbbsins Setbergs verður haldið 6. - 12. júlí
Búið er að opna fyrir skráningu á golf.is undir mótaskrá.

Skráningu lýkur sunnudaginn 29. júní klukkan 23:59.

Öldungaflokkur karla og kvenna og 5. flokkur karla og kvenna, leika í þrjá daga frá sunnudeginum 6. júlí til þriðjudagsins 8. júlí.
Aðrir flokkar leika í fjóra daga frá miðvikudeginum 9. júlí til laugardagsins 12. júlí.
Ekki verður hægt að velja rástíma heldur verður ræst út eftir flokkum. Þetta þýðir að keppendur leika alla dagana með öðrum úr sínum flokki.

Leikið verður í eftirtöldum flokkum:

Karlar:
Meistaraflokkur karla: +[x]–6,5 – höggleikur (teigar: 56).
1. flokkur karla: 6,6 - 10,4 – höggleikur (teigar: 56).
2. flokkur karla: 10,5 – 15,3 – höggleikur (teigar: 56).
3. flokkur karla: 15,4 - 20,5 – höggleikur (teigar: 56).
4. flokkur karla: 20,6 - 29,5 – punktakeppni með forgjöf (teigar: 52).
5. flokkur karla: 29,6 og hærri – punktakeppni með forgjöf (teigar: 52).
Öldungaflokkur karla: 60 – 70 ára - punktakeppni með forgjöf (teigar: 52).
Öldungaflokkur karla: 70 ára og eldri - punktakeppni með forgjöf (teigar: 46).

Konur:
Meistaraflokkur kvenna: +[x]–10,9 – höggleikur (teigar: 52).
1. flokkur kvenna: 11,0 – 18,9 – höggleikur (teigar: 46).
2. flokkur kvenna: 19,0,5 – 24,9 – höggleikur (teigar: 46).
3. flokkur kvenna: 25,0 – 28,9 – höggleikur (teigar: 46).
4. flokkur kvenna: 29,0 – 36,0 – punktakeppni með forgjöf (teigar: 46).
5. flokkur kvenna: 36,1 og hærri – punktakeppni með forgjöf (teigar: 46)
Öldungaflokkur kvenna: 60 ára og eldri - punktakeppni með forgjöf (teigar: 46).

Þátttökugjald:
Kr. 5.000 fyrir þá flokka sem spila fjóra daga.
Kr. 4.000 fyrir þá flokka sem spila þrjá daga.

Eftir að lokað hefur verið fyrir skráningu mun nánara fyrirkomulag á útræsingu verða birt. Horft verður til jafnræðis milli flokka við ákvörðun á rástímum innan dagsins eins og frekast er unnt. Stjórn áskilur sér rétt til þess að breyta framangreindri flokkaskiptingu og fyrirkomulagi að öðru leyti, ef skráning gefur tilefni til.

Verðlaunaafhending fyrir alla flokka verður á laugardeginum um klukkan 20:00. Matur í verðlaunaafhendingu, fyrir þá sem vilja, kostar 4.000 kr.