Aðalfundur Golfklúbbsins Setbergs fyrir starfsárið 2023 verður haldinn miðvikudaginn 6. desember n.k.
Fundurinn verður haldinn að Flatahrauni 3, Hafnarfirði (salur félags eldri borgara í Hafnarfirði).
Fundurinn hefst stundvíslega klukkan 20:00.
Dagskrá:
Í upphafi aðalfundar skal kjósa fundarstjóra og fundarritara eftir tilnefningu.
Virðingarfyllst, stjórn Golfklúbbsins Setbergs.
Bændaglíman verður haldin á laugardaginn
Ræst út af öllum teigum klukkan 13:30. Mæting eigi síðar en klukkan 13:00.
Hefðbundið keppnisfyrirkomulag, Setbergsscramble, þ.e. 4 saman í liði, allir slá af teig, einn bolti valinn og þeir sem eiga ekki þann bolta slá frá þeim stað sem boltinn er.
Leiknar eru 9 holur á stóra vellinum og 9 holur á litla vellinum skv. venju. Dregið saman í lið.
Skráning á www.golf.is.
Þátttökugjald er 3.500 kr. Innifalið í þátttökugjaldinu er matur að leik loknum.
Kæru félagar
Meistaramót Golfklúbbsins Setbergs verður haldið 4./5. - 8. júlí.
Búið er að opna fyrir skráningu á golf.is undir mótaskrá.
Skráningu lýkur föstudaginn 30. júní klukkan 23:59.
Mótið hefur yfirleitt verið leikið frá miðvikudegi til laugardags en við ætlum að halda því opnu að bæta þriðjudeginum 4. júlí við ef skráning í mótið verður meiri en áður.
Þegar skráningarfrestur er runninn út verður ákveðið hvenær flokkarnir spila og hversu marga daga. Lagt er upp með að flestir flokkarnir leiki fjóra daga. Fyrir liggur að öldungaflokkur karla, kvennaflokkur 3 (þriggja daga punktakeppni) og 5. flokkur karla leika þrjá daga.
Ekki verður hægt að velja rástíma heldur verður ræst út eftir flokkum. Þetta þýðir að keppendur leika alla dagana með öðrum úr sínum flokki.
Leikið verður í eftirtöldum flokkum:
Meistaraflokkur karla: 0 – 5,2 – höggleikur. Teigar: 56.
1. flokkur karla: 5,3 - 10,4 – höggleikur. Teigar: 56.
2. flokkur karla: 10,5 – 15,0 – höggleikur. Teigar: 56.
3. flokkur karla: 15,1 - 20,5 – höggleikur. Teigar: 52.
4. flokkur karla: 20,6 - 28,4 – punktakeppni. Teigar: 52.
5. flokkur karla: 28,5 og hærri – punktakeppni með forgjöf. Teigar: 46.
Öldungaflokkur karla: 55 ára og eldri - punktakeppni með forgjöf. Teigar: 46.
Kvennaflokkur 1: Höggleikur. Teigar: 46.
Kvennaflokkur 2: Punktakeppni með forgjöf í fjóra daga. Teigar: 46.
Kvennaflokkur 3: Punktakeppni með forgjöf í þrjá daga. Teigar: 46.
Athugið að þeir karlar sem eru 55 ára og eldri geta valið hvort þeir taki þátt í öldungaflokki eða sínum flokki samkvæmt forgjöf.
Þátttökugjald:
Kr. 5.500 fyrir þá flokka sem spila fjóra daga.
Kr. 4.500 fyrir þá flokka sem spila þrjá daga.
Eftir að lokað hefur verið fyrir skráningu mun nánara fyrirkomulag á útræsingu og leikdögum flokka verða birt. Horft verður til jafnræðis milli flokka við ákvörðun á rástímum innan dagsins eins og frekast er unnt. Stjórn áskilur sér rétt til þess að breyta framangreindri flokkaskiptingu ef skráning gefur tilefni til.
Jónsmessa
Laugardaginn 24. júní n.k.
Mæting fyrir klukkan 18:00. Ræst út af öllum teigum klukkan 18:30.
Keppnisfyrirkomulag: Setbergs scramble. Dregið saman í lið. Allir slá af teig. Einn bolti valinn og þeir kylfingar í hollinu sem eiga ekki þann bolta slá af þeim stað o.s.frv. Einn hringur á stóra vellinum og einn á litla vellinum.
Þátttökugjald er 4.000 kr.
Innifalið í þátttökugjaldinu er hægeldað lambakjöt ásamt meðlæti að leik loknum.
Skráning hefst 19. júní klukkan 19:00.